Haradinaj takohet me shefin e zyrës së BE-së, kërkon heqjen e sanksioneve

19:30 | 14 Shkurt 2024
KRG

Kryetari i Aleancës për Ardhmërinë e Kosovës, Ramush Haradinaj, ka pritur sot në takim Përfaqësuesin Special të BE-së në Kosovë, Tomáš Szunyog.

I pari i AAK-së përmes një shkrimi në llogarinë e tij në Facebook, shpalosi detaje nga ky takim ku theksoi se ka kërkuar që BE-ja t’i largojë sanksionet ndaj Kosovës.

“Në takim ritheksova domosdoshmërinë e largimit të sanksioneve nga ana e BE-së ndaj Kosovës, për t’i hapur rrugë zhvillimit dhe integrimit evropin. Konfirmova se Aleanca do të votojë Marrëveshjet Ndërkombetare ndërsa shpreha brengosjen për stagnimin e Kosovës në proceset integruese”, ka thënë Ramush Haradinaj.

Për Aleancën, integrimi euro-atlantik është objektivi kryesor strategjik, rrugëtim ky që duhet të kulmojë me anëtarësim në NATO dhe BE, theksoi mes tjerash kreu i AAK-së.

Shpërndaje në rrjete sociale

Lajmet më të lexuara

Të ngjashme

Foto lajm